भोटेकोशी नदीमे बुधबार बिहानके आइल बाढीमे पर्के घाइते हूइल १६ जनाहे  हेलिकोप्टरमार्फत उद्धार कर्के त्रिवि शिक्षण अस्पतालमे भर्ना हूइल बाटै । त्रिवि शिक्षण अस्पतालके सूचना अधिकारी कालीप्रसाद रोस्यारके अनुसार बाढी प्रभावित क्षेत्रसे उद्धार कैके आनल १६ जाने घाइते अस्पतालमे उपचाररत बाटै । तीमध्ये पाँच जनाहे सघन उपचार कक्ष (आईसीयू) मे धर्के उपचार हूइती बा । आईसीयूमे उपचाररत कूछ घाइतेमे एकथो से ज्यादा स्वास्थ्य समस्या (मल्टिपल) देखाइल बा ।
सूचना अधिकारी रोस्यारके अनुसार आईसीयूमे उपचाररत घाइतेहूक्रे ३४, ३२, ४८, ४० र २३ वर्षके, बाटै । उहाहूक्रे स्वास्थ्य अवस्था ओ देखाइल जटिलताके आधारमे चिकित्सकके निगरानीमे उपचार हूइती बा । बाढीमे पर्के तीन वर्षके एकथो बालक फेन घाइते हूइल बाटै । शिशुहे आमासँगे उद्धार कैके अस्पताल लानल बाटै । शिशुके समेत चिकित्सकके निगरानीमे आवश्यक उपचार हूइती बा ।

गम्भीर अवस्थाके बिरामीहे प्राथमिकता देती आवश्यक उपचार ओ चिकित्सकके निगरानीमे धरल उहाँहूक्रे जानकारी देले बाटै ।
उहाँके अनुसार अस्पतालमे बाढी पैठ्के घाइते होके लानल बिरामीके उपचारके लाग आकस्मिक सेवा ओ आवश्यक जनशक्तिहे तयारी अवस्थामे धरल बाटै ।