महाकाली नदीमे पानीके बहाव बढ्के १ लाख ८ हजार ९ सय ९२ क्यूसेक पुगल पाछे । नेपाल–भारत सीमा जोड्ना बनबासा पुलमे चारपाङ्ग्रे सवारीसाधनके आवतजावत बन्द कर्ले बाटै ।
पानीके बहाव बढेपछे सुरक्षाके दृष्टिहे मंगलबार बिहान ६ बजेसे बनबासा पुलमे चारपाङ्ग्रे सवारीसाधनके आवतजावत रोकले जनाइगिल बा । महाकाली नदीमे पानीके सतह ओ बहाव बढ्नासँगे बनबासा पुलमे आवतजावत प्रभावित होके नेपाल–भारत सीमा हुँइती यात्रा कर्ना यात्रु ओ सवारी चालकहे सतर्क रहना आग्रह कर्ले बाटै । सम्बन्धित सबजहूनहे पुलमे चारपाङ्ग्रे सवारीसाधनके आवतजावत बन्द करल जानकारी कर्ती आवश्यक सतर्कता अपनाइलाग अनुरोध कर्ले बाटै ।