जल ओ मौसम विज्ञान विभागअन्तर्गतके बाढी पूर्वानुमान महाशाखासे जारी करल बुलेटिनअनुसार देशके प्रमुख नदीके बहाव हाल सतर्कता अपनाइ आग्रह करले बाटै ।महाशाखा सोमबार बिहान ८ बजे जारी करल तथ्यांकअनुसार कोशी, नारायणी, बागमती, कर्णाली ओ महाकाली नदीमे बाढीके खतरा नैहो कैके । यस्तके,  सहायक नदीके सँगे कन्काई, कमला, बबई, पूर्वी राप्ती ओ पश्चिम राप्ती नदीके बहाव फे सामान्य अवस्थामै बाट ।
प्रमुख नदी शान्त रले से फेन झापा, मोरङ, इलाम, पाँचथर, तेह्रथुम, धनकुटा, भोजपुर, ताप्लेजुङ ओ सङ्खुवासभाके छोती नदीमे आज बाढीके जोखिम देखाइत । सन्धुपाल्चोक, काठमाडौँ, भक्तपुर, ललितपुर, काभ्रेपलाञ्चोक, मकवानपुर, गोरखा, लमजुङ, कास्की, तनहुँ, स्याङ्जा, पर्वत, बाग्लुङ ओ म्याग्दी होके बहना खोलामे फेन बहाव उल्लेख्य बढ्ना सम्भावना बाट ।
अस्तके गुल्मी, अर्घाखाँची, प्युठान, रुकुम पूर्व, रुकुम पश्चिम, रोल्पा, जाजरकोट, सल्यान, दैलेख, सुर्खेत, बर्दिया, कैलाली, बझाङ, दार्चुला ओ बैतडीके छोटी नदीमे आकस्मिक बाढीके मध्यम जोखिम बाट । महाशाखाके अनुसार यी ३९ जिल्ला ओ आसपासके क्षेत्रमे बहना छोटी नदीमे जलस्तर एक्कासि बढे सेकत ।
आगामी दुई दिन अर्थात् साउन २६ ओ २७ गते फेन कोशी ओ गण्डकी प्रदेश होके बहना कूछ स्थानमे छोती नदीमे बहाव आकस्मिक रूपमे बढे सक्ना महाशाखा जनाइल बाटै । तसर्थ, जोखिम क्षेत्रके बासिन्दाहे उच्च सतर्कता अपनाइलाग  महाशाखा आग्रह करल बाटै ।