प्रधानमन्त्री बालेन शाह बाढीग्रस्त क्षेत्रमे प्रभावित नागरिकके प्रभावकारी खोज उद्धार ओ राहत कार्यमे आपन आपन स्थानसे सक्रियतापूर्वक जुट्ना सबजहून आह्वान कर्ले बाटै । 
रसुवामे बुधबार बिहानके आइल बाढीके कारण उत्पन्न परिस्थितिहे दृष्टिगत कर्ती प्रधानमन्त्री बालेन्द्र शाहहे बोलाके विपद् जोखिम न्युनीकरण ओ व्यवस्थापन राष्ट्रिय परिषद्के बैठक बैठल बाटै । 
सिंहदरबारस्थित प्रधानमन्त्री ओ मन्त्रिपरिषद्के कार्यालयमे सम्पन्न उक्त बैठकमे बाढीसे पुगाइल पछिल्लो क्षतिके विवरणबारे विस्तृत ब्रिफिङ करल बाटै । बैठकमे सम्बन्धित निकायके अधिकारीहूक्रे बाढी प्रभावित क्षेत्रके वर्तमान अवस्था ओ क्षतिबारे प्रधानमन्त्रीहे जानकारी कर्ले रहित ।
ब्रिफिङ पश्चात् प्रधानमन्त्री शाह आगामी कदमके सम्बन्धमे सरोकारवाला सब निकायहे निर्देशन देहेल बाटै । सरकार बाढीसे हूइल क्षतिके  विवरण संकलन कर्ती राहत ओ पुनः स्थापनाके कार्यहे तीव्रता देना प्रतिवद्धता समेत व्यक्त कर्ले बाटै ।