पछिल्लो समय बालबालिकाहूकनमे आँखी सम्बन्धी समस्या बढ्ती गील बा ।  मोबाइल ओ कम्प्युटरके अत्यधिक प्रयोग, प्रदूषित वातावरण ओ मौसमलेसमेत बालबालिकाके आँखीमे समस्या बढल पाइगील बा । 
धौलागिरी एकीकृत ग्रामीण विकास केन्द्र (डिआइआरडिसी)के आयोजना ओ धौलागिरी आँखा अस्पताल बागलुङके प्राविधिक सहयोगमे विद्यामन्दिर माध्यामिक विद्यालयमे करल आँखा शिविरमे बालबालिकामे आँखी सम्बन्धी समस्या देखाइल बा । 
विद्यालयमे हूइल परीक्षण शिविरमे ९७ जाने बालबालिकाहे चस्मा लगाइपर्ना देखाइल बा । उहाहूकनहे अस्पतालहूक्रे चस्मासमेत वितरण करल बाटै ।
अस्पतालके नेत्र विशेषज्ञ डा. विनम लामिछाने, डिआइआरडिसीके हेल्थ असिस्टेन्ट चन्दन शर्मालगायतके टोलीहूक्रे आँखा परीक्षण कर्ले रहित । 
शिविरमे २३ जाने बालबालिकाहूकन पोखरा रिफर कर्ले बाटै ।  कलेसे ५५ जाने बालबालिकामे आँखाके एलर्जीके समस्या रहल पाइगील बा । ओकरबाहेक अन्य समस्या हूइल २५ जाने रहल जनाइगील बा ।
भिडियो गेम, मोबाइल ओ कम्प्युटर लगायतके आधुनिक ग्याजेटके अत्यधिक प्रयोगमे बालबालिकाम दृष्टिदोषके समस्या ज्यादा हूइना करल डा. लामिछाने बताइल बाट । दृष्टि दोषके उपचार समयमै नैकर्लेसे आँखा बिग्रना सम्भावना बहूतधेर रहल उहाँके भनाई बाटिन् ।
शिविरमे ७४ जनाहूकन  औषधी प्रयोग करेपर्ना होके निशुल्क रुपमे वितरण करल डिआइआरडिसीे कार्यक्रम व्यवस्थापक शालिकराम शर्मा जानकारी देहेल बाट । 
यी समस्या सब क्षेत्रमे हुइसेक्ना होके संस्थागत रूपमे विभिन्न स्थानमे परीक्षणके काम बढैना शर्मा बतैल ।यकरआघे फेन संस्थामार्फत धौलागिरि बहिरा विद्यालय ओ रामरेखा आधारभूत विद्यालयमे फेन आँखा परीक्षण शिविर कर्ले रहित ।  
डिआइआरडिसीे काठेखोला गाउँपालिका, बागलुङ नगरपालिकालगायतके विभिन्न स्थानमे ओ विद्यालय तहमे पुग्के आँखाके समस्या हूइल बालबालिकाहूकन् उपचार कर्ना, आवश्यक औषधी वितरण कर्ती आइल बाटै ।