कैलाली ओ कञ्चनपुरसे ६ लाख ६२ हजारसे ढेउर अवैध सामान बरामद करगिलबा।
कैलालीके विभिन्न स्थानसे भारतसे भन्सार छली कैके आनल अन्दाजी मूल्य ५ लाख ९३ हजार ७३० बराबरके बिडी, सुर्ती, विभिन्न किसिमके कपडा, किरानालगायतके सामान प्रहरी बरामद करले बा। शनिबार जिल्ला प्रहरी कार्यालय कैलाली ओ मातहतके कार्यालयसे खटल प्रहरी टोली उ सामान बेवारिसे अवस्थामे फेला परले रहे। आवश्यक प्रक्रिया पूरा कैके प्रहरी सामान नियन्त्रणमे लेहल जनागिल बा।
अस्तेके, कञ्चनपुरके बेलौरी नगरपालिका–६ वैशाखासे भारतसे भन्सार छली कैके आनल अन्दाजी मूल्य ६९ हजार १०० बराबरका बिडी, सुर्ती, कपडा ओ किरानालगायतके सामान बरामद करले बा। इलाका प्रहरी कार्यालय बेलौरी, कञ्चनपुरसे खटल प्रहरी टोली शनिबार उ सामान बेवारिसे अवस्थामा फेला पारके आवश्यक प्रक्रिया पूरा कैके नियन्त्रणमे लेहल प्रहरी जनैले बाटै। कुल ६ लाख ६२ हजार ८३० के अवैध सामान दुनु जिल्लासे बरामद करल प्रहरी जनैले बा।
