भारतके केदारनाथम उपरसे खसल ढुंगा लाग्के बझाङके एक जनाके मृत्यु  हूइल बा ।   शनिबार सँन्झ्याके डोली बोक्ना क्रमम ढुंगा लाग्के जयपृथ्वी नगरपालिका–१ कैलाशके ३६ वर्षीय धर्म खड्काके मृत्यु हूइल बा । 
खड्का केदारनाथ क्षेत्रम तीर्थयात्रीहे डोलीम बोक्के जीविकेपार्जन कर्ती आइत  । गौरीकुण्डसे केदारनाथ मन्दिरतर्फ डोली बोक्के जैना क्रमम गौरीकुण्ड लग्घके दगरउपरसे खसल ढुंगा लाग्के उहाके घटनास्थलमै मृत्यु हूइल पारिवारीक स्रोतहूक्र जनाइल बाट ।
आफन्त सुरेशबहादुर सिंह धर्मके मृत्यु हूइल बताइल बाट ।  धर्मके वृद्ध आमा, पत्नी ओ चार महिनाके छावा बाटिन् । परिवारके मुख्य आर्थिक सहारा रहल उहाके मृत्यु होके परिवार थप संकटम परल बाट ।
भारतम मृत्यु हूइल धर्मके शव नेपाल लन्नासमेत परिवारसे आर्थिक समस्या हूइल बा ।  उहाके भाइ नाता भुवन खड्का आर्थिक अभावम शव नेपालय लन्ना समस्या हूइल बताइल बाट ।उहाके परिवारहूक्र शव नेपाल लन्ना सहयोगके अपेक्षा कर्ल बाट ।