कञ्चनपुरके पश्चिमी नाका गड्डाचौकीसे नेपाल भित्रैना विदेशी पर्यटकके सङ्ख्या बढ्ती गिल बा । 
अध्यागमन कार्यालय गड्डाचौकीके अनुसार पछिल्लो कूछ वर्षयहाँ यहे नाका होके नेपाल भित्रैना पर्यटकके संख्यामे वृद्धि हुँइती गील पाइगील बा । उहाँके अनुसार गत आर्थिक वर्षमे एक हजार ७५३ जाने विदेशी पर्यटक नेपाल भित्रैल बाटै । अस्तके, एक करोड पाँच लाख १८ हजार ११९ राजस्व सङ्कलन हूइल सूचना नवराज अधिकारी भट्ट जानकारी देलै । उहाके अनुसार एक हजार ५३४ पर्यटक यी नाकासे बाहेर गील बाटै । 
कार्यालयके अनुसार २०२२ मे ५४२ पर्यटक सो नाका होके नेपाल आइल रहित । यस्तेक, २०२३ मे ९८३ ओ २०२४ मे एक हजार १५४ जाने विदेशी पर्यटक यी नाका होके नेपाल आइलै अध्यागमनके तथ्याङ्क बा । सुदूरपश्चिममे पर्यटनके थुप्रै सम्भावना हूइले से फेन पश्चिमी नाकासे नेपाल आइल पर्यटक काठमाडौँ, पोखरालगायतके सहरमे जैना कर्ले बाटै ।  

सुदूरपश्चिममे खप्तड, बडिमालिका, रामारोशनर शुक्लाफाँटा राष्ट्रिय निकुञ्जलगायतके प्रमुख पर्यटकीय गन्तव्य रले से फेन पूर्वाधारके अभाव ओ प्रचारप्रसार नैहोके यी नाकासे आइल पर्यटक समेत अन्यत्र जैना कर्थै यहाँके पर्यटन व्यवसायी बतैतै । “विदेशी पर्यटक भित्रैना गड्डाचौकी नाका प्रमुख नाका हो यहाँसे भारतके पर्यटकीय शहर नजिक बा,” पर्यटन व्यवसायी जगदीशचन्द्र भट्ट कलै , “नाकामै पर्यटन सूचना डेस्क स्थापना हुइपरी ।” 
उहा कलै यहाँसे एैना पर्यटकहे सुचना केन्द्रसे सुदूरपश्चिमलगायत नेपालके पर्यटकीय गन्तव्यके बारे जानकारी देहेपर्ना व्यवस्था करेपर्ना बतैल । पर्यटन प्रवद्र्धनके लाग निजी क्षेत्र ओ सरकारहे समन्वयमे काम करे पर्ना उहा के भनाइ रहिन् । सुदूरपश्चिममे पर्यटनके सम्भावना हूइले से फेन् पर्याप्त पूर्वाधार विकास ओ प्रचारप्रसारके अभावके कारण पर्यटक अन्यत्र जैना करल कञ्चनपुर उद्योग वाणिज्य सङ्घके अध्यक्ष दिनेश मल्ल बतैलै । “हमार सँग रहल आकर्षक गन्तव्यसम्मे पुग्ना सहज पूर्वाधार ओ अन्य सुविधाके अभाव बा ,” उहा कलै , “यहाँके पर्यटकीय गन्तव्यके प्रचारप्रसार कैके पर्यटकहे एक रात हूइले से फेन यहै बैठ्ना  वातावरण बनाइ परि ।”