धनगढीस्थित केजी हस्पिटलमे मृगौलाके शल्यक्रियापाछे कञ्चनपुरकी ५० वर्षीया समानी चौधरीके मृत्यु हूइल घटनाबारे स्वास्थ्य कार्यालय कैलालीहे छानबिन आघे बढाइल बाट । 
शल्यक्रियामे सेती प्रादेशिक अस्पतालमे छात्रवृत्ति करारमे कार्यरत युरोलोजिस्ट डाक्टर अरुण पाण्डेके संलग्नताबारे प्रश्न उठ्के स्वास्थ्य कार्यालयके हस्पिटलसँगे लिखित स्पष्टीकरण मागल बाट । 
स्वास्थ्य कार्यालय कैलालीहे सोमबार हस्पिटलह तीन बुँदे पत्र पठैती उपचार ओ शल्यक्रियासँगे सम्बन्धित कागजात उपलब्ध करे लाग निर्देशन देहल बाटै । स्वास्थ्य कार्यालयहूके्र पठाइल पत्रमे स्वास्थ्य संस्था सञ्चालनसम्बन्धी मापदण्डअनुसार आकस्मिक शल्यक्रिया सेवा देहे सेक्ना हूइले से फेन विशेषज्ञ सेवा प्रदान कर्ना विषयमे स्पष्टता आवश्यक रहल उल्लेख करल बाटै । 
कार्यालय चौधरी उपर कसीन प्रकृतिके शल्यक्रिया कर्ले रहित कना विवरणसहित उपचारसम्बन्धी सम्पूर्ण कागजातके प्रतिलिपि मागल बाटै  । 
ओस्तेके,शल्यक्रियामे संलग्न चिकित्सक ओ स्वास्थ्यकर्मीके नाम, शैक्षिक योग्यता, नेपाल मेडिकल काउन्सिल नम्बर ओ सम्पर्क विवरण उपलब्ध कराइ कहल बाटै । डाक्टर अरुण पाण्डेसँगे हस्पिटलमे रहल सम्झौताके प्रतिलिपिसमेत पेश कर्ना पत्रमार्फत निर्देशन देहल बाटै । 
स्वास्थ्य कार्यालयके निजी स्वास्थ्य संस्था अनुगमन संयोजक सूर्य विष्टके अनुसार हस्पिटलहे तीन विषयमे तीन दिनभितर लिखित जवाफ पेश कर्ना समय देहल बाटै ।  हस्पिटलसे स्पष्टीकरण प्राप्त हूइले से  तबे अध्ययन कर्के घटनाबारे थप प्रक्रिया आघे बढैना विष्ट जानकारी देहल बाटै ।
कञ्चनपुरके कृष्णपुरकी चौधरी गत बिहीबार उपचारके लाग केजी हस्पिटलमे भर्ना हूइल रलिन् । मृगौलाके पत्थरीके शल्यक्रियापाछे उहाके मृत्यु हूइल रहे । 
घटनापाछे हस्पिटलमे मृतकके परिवारहे २२ लाख रुपैयाँ देके घटना मिलाइल विषयसमेत सार्वजनिक हूइल बाट ।