सुदूरपश्चिम विश्वविद्यालयसे अध्ययन सम्पन्न करल विद्यार्थीहे विदेश अध्ययनके लाग आवश्यक नो अब्जेक्सन सर्टिफिकेट (एनओसी) आब डिजिटल प्रणालीमार्फत प्राप्त कर्ना हूइल बाट । यहे सम्बन्धी द्विपक्षीय समझदारीपत्रमे सुदूरपश्चिम विश्वविद्यालय ओ शिक्षा ओ खेलकुद मन्त्रालयबीच हस्ताक्षर हूइल बाट ।
समझदारीपत्रमे सुदूरपश्चिम विश्वविद्यालयके उपकुलपति प्रा.डा. किसनदत्त भट्ट ओ शिक्षा ओ खेलकुद मन्त्रालयके सहसचिव श्रीप्रसाद भट्टराई  हस्ताक्षर करल बाटै । समझदारीअनुसार विश्वविद्यालयके शैक्षिक सूचना प्रणाली ओ मन्त्रालयके एनओसी प्रणालीबीच डिजिटल माध्यमसे तथ्याङ्क आदान–प्रदान हूइना व्यवस्था करल बाटै । नयाँ व्यवस्थाहे एनओसी लेके विद्यार्थीहूक्रे भोक्ती आइल झन्झेट कम हुइ पर्ना सेवा हली, सहज, सुरक्षित ओ पारदर्शी हुइना विश्वास करल बाटै ।