सुदूरपश्चिम प्रदेशमे अख्तियार दुरुपयोग अनुसन्धान आयोगहे करिब १३ महिनापाछे ‘स्ट्रिङ अप्रेसन’ सञ्चालन कर्ती घुससहित एकजाहन पक्राउ करल बाटै । 
अख्तियारके कञ्चनपुरस्थित कार्यालयहे कैलालीके गौरीगंगा नगरपालिका–४ मे रहल कालिका माध्यमिक विद्यालय व्यवस्थापन समितिके सदस्य देवबहादुर बमहे बिहीबार दुई लाख रुपैयाँ नगदसहित पक्राउ कर्ले बाटै । अख्तियार कञ्चनपुरके प्रवक्ता चेतराज भट्टके अनुसार विद्यालयमे कार्यरत कर्मचारीहे सेवा–सुविधा वृद्धि कर्ना प्रलोभन देखैती बमहे रकम मागल सूचना प्राप्त होके आयोग ‘स्ट्रिङ अप्रेसन’ सञ्चालन करल रहे । सोही क्रममे उहाहे धनगढी–१ मे रहल एक डेरी पसलसे रकमसहित नियन्त्रणमे लेहेल बा ।  यकर आघे गत वर्ष ५ साउनमे अख्तियारहे कैलालीके सहायक वन अधिकृत पूर्णशंकर यादवहे सात लाख ३१ हजार रुपैयाँ नगदसहित पक्राउ करल रहित ।  करिब १३ महिनासम्मे कञ्चनपुरस्थित अख्तियार कार्यालयके भ्रष्टाचारमे संलग्न कर्मचारी, बिचौलिया ओ औरे मनैनहे  नगद ओ भौतिक घुससहित पक्राउ करल नैरहे । संघीय सरकारहे विद्यालय कर्मचारीके तलब वृद्धि करल कालसम्म विद्यालय व्यवस्थापन समितिके सदस्यहे कर्मचारीसे भारी रकम मागल घटना सार्वजनिक होके विद्यालय कर्मचारीसमेत असन्तुष्ट बनल बा । 
सामुदायिक विद्यालयमे शिक्षक ओ कर्मचारी नियुक्ति, बढुवा ओ सेवा–सुविधा वृद्धि कर्के आर्थिक चलखेल हुइना करके गुनासोके बीच अख्तियारके पाछे कारबाहीहे विद्यालय व्यवस्थापनमे संलग्न पक्षहे सचेत करैले बा ।