जिल्ला प्रहरी कार्यालय कैलालीके आयोजनामे लागूऔषध नियन्त्रणसम्बन्धी सचेतनामूलक ओ अन्तरक्रियात्मक प्रशिक्षण कार्यक्रम सम्पन्न हूइल बाट ।
“समुदाय–प्रहरी साझेदारी कार्यक्रम”अन्तर्गत कैलाली मोडल सेकेन्डरी स्कुल, धनगढीके समन्वयमे धनगढी उपमहानगरपालिका–४ स्थित विद्यालयके सभाहलमे कार्यक्रम आयोजना करल रहित । 
  कार्यक्रममे विद्यालयके शिक्षक, शिक्षिका ओ विद्यार्थी सहित ११० जनाके सहभागिता रहल जिल्ला प्रहरी कार्यालय कैलालीसे जनाइल बाटै ।
 कार्यक्रममे जिल्ला प्रहरी कार्यालय कैलालीके प्रहरी नायव निरीक्षक गगनबहादुर धामी लागूऔषध सेवन, बिक्री–वितरण ओ ओसारपसारसे हुइना सामाजिक ओ व्यक्तिगत असरबारे जानकारी करल रहित । उहा लागूऔषध नियन्त्रण ओ न्यूनीकरणके उपाय, यहासे बच्ना उपाय ओ समुदायके भूमिकालगायत विविध विषयमे सहभागीहरूसँगे अन्तरक्रिया करल रहित ।
विद्यालय तहके विद्यार्थीहूकन लागूऔषधके जोखिमबारे सचेत करैती यकर  सेवन ओ ओसारपसार नियन्त्रणमे प्रहरी, विद्यालय, अभिभावक ओ समुदायबीच सहकार्य आवश्यक रहल कार्यक्रममे जोड देहेल बाट । 
जिल्ला प्रहरी कार्यालय कैलालीसे समुदाय–प्रहरी साझेदारी कार्यक्रममार्फत लागूऔषध नियन्त्रणलगायत सामाजिक विकृति न्यूनीकरणका  के लाग सचेतनामूलक कार्यक्रमहे निरन्तरता देति आइल जनाइल बाटै ।