सुदूरपश्चिम प्रदेशमे गत वर्ष प्राकृतिक विपद्के कारण ९६४ घटनामे ३६ जने ज्यान गुमैले बाटै । प्रदेशमे गत आर्थिक वर्ष २०८२ साउन १ गतेसे २०८३ असार ३१ गतेसम्मके अवधिमे विपद्के कारण भारी परिमाणमे मानवीय ओ भौतिक क्षति हूइल बाट । प्रदेशमे सोही अवधिभर प्राकृतिक विपदसे १५ करोड २४ लाख ६६ हजार ९ सय मूल्यके धनमाल नष्ट हूइल सुदूरपश्चिम प्रदेश आपतकालिन कार्य सञ्चालन केन्द्र धनगढीसे संकलन करल विवरणमे उल्लेख बा ।
विवरण अनुसार विपद्के कारण घटनामे  १६ पुरुष ओ २० महिला कैके कुल ३६ जना ज्यान गुमाइल बाटै । कलेसे १ जाने पहिरोमे पर्के बेपत्ता हूइल बाटै । अस्तके, १५४ पुरुष ओ १९१ महिला कैके कुल ३४५ जाने घाइते हूइल बाटै । विपद्के कारण प्रदेशभरके १ हजार ५ सय ४१ परिवार प्रत्यक्ष रूपमे प्रभावित हूइल बाटै ।सर्पदंशके घटनामे ५ पुरुष ओ ८ महिला कैके १३ जाने मृत्यु हूइल बाट । कलेसे २०३ जाने घाइते हूइल बाटै । यमेसे २१५ परिवार प्रभावित हूइल बाट ।अस्तेक ३३८ थो आगलागीके घटनामे ४ पुरुष ओ ४ महिला कैके ८ जनाके मृत्यु हूइल बाटै । ३८ जाने घाइते बाटै । आगलागीसे ३६६ परिवार प्रभावित हूइल बाटै । कलेसे ४१ आंशिक ओ २९ पूर्ण घर क्षति हूइल बाट । आगलागीसे सबैसे ज्यादा १४ करोड ५ लाख १६ हजार ४ सय रुपैयााके आर्थिक क्षति हइल बाट । प्रदेशमे जनावर आतंकके ९८ थो घटनामे ५ जनाके मृत्यु ओ ३४ जाने घाइते हूइल बाटै । १७१ परिवार प्रभावित हुइना के साथमे १३१ पशुचौपायाके क्षति हूइल बाट । अस्तेके भारी वर्षाके कारण ६३ थो घटनामे ४ जाने महिलाके मृत्यु हूइल बाटै । कलेसे २८ लाख २० हजार रुपैयााके क्षति हूइल बाट । ओस्तेके, २२ जाने बाढीके घटनासे २ जाने मृत्यु हूइल बाटै । ओ ४०१ परिवार प्रभावित हूइल बाटै ।  बाढीके कारण २४ वटा घरमे पूर्ण क्षति पुगल बाट कलेसे २९ लाख रुपैयााके आर्थिक क्षति हूइल बाट । 
४२ जाने चट्याङ्गके कारण घटनामे १ जनाके मृत्यु ओ ३६ जाने घाइते हूइल बाटै ।  चट्याङ्गके कारण २१७ पशुचौपायाके क्षति हूइल बाट । पहिरोके कारण ४६ जाने घटनामे १ जाने बेपत्ता ओ ११ जाने घाइते हूइल बाटै । कलेसे  ७२ परिवार प्रभावित हूइल बाट । पहिरोसे ३६ लाख १५ हजार रुपैयाँके क्षति हूइल बाट । छ १०६ जाने हावाहुरीके घटनामे १३ जाने घाइते हूइल बाटै । कलेसे १३५ घरमे आंशिक क्षति पुग्ती १९ लाख ७६ हजार ४ सय रुपैयााके क्षति हूइल बाट । 
प्रदेशमे अन्य घटना डुङ्गा पलत्के २ जनाके मृत्यु हूइल बात । जङ्गलमे आगलागीसे (३१ घटना), लेक लग्ना (३ घटना), हिउँपहिरो (१ घटना) ओ अन्य विपद्के घटनासे फेन सर्वसाधारण प्रभावित हूइल  धनगढी केन्द्रय संकलन करल विवरणमे उल्लेख बाट । तथ्याङ्क अनुसार विपद्के घटनामध्ये सर्पदंश ओ आगलागी से सबसे ज्यादा भारी मानवीय ओ धनजनके क्षति हूइल देखाइल बाट ।